1. မျက်စဥ်းနှင့်ဆေးဝါးများကို ဆရာဝန်ညွှန်ကြားထားသည့်အတိုင်း အသုံးပြုရန်။
2. ကုသမှုအပြီးမှာ မျက်လုံးအကာတပ်ပေးလိုက်မည်ဖြစ်ပြီး နောက်တစ်နေ့ရက်ချိန်းလာရောက်ပြသတဲ့အခါမှာ ကျွမ်းကျင်သူများကိုယ်တိုင် မျက်လုံးအကာကိုဖယ်ရှားပေးမှာဖြစ်ပါတယ်။
3. အပြင်သွားသည့်အခါတွင် နေကာမျက်မှန်တပ်ရန်။
4. မျက်လုံးစပ်ခြင်း၊ အမြင်အာရုံပုံမှန်မဟုတ်ဘဲ ဝေဝါးနေခြင်းအစရှိသဖြင့် မူမမှန်သောလက္ခဏာများ ခံစားရပါကဆေးရုံကိုဆက်သွယ်အကြောင်းကြားပါ။
5. မျက်လုံးကိုထိခိုက်မှုမရှိရန် အထူးဂရုစိုက်ပေးပါ၊ ကလေးများနှင့် အိမ်မွေးတိရစ္ဆာန်လေးများရှိပါက ပို၍ဂရုပြုရန်လိုအပ်ပါတယ်။ ပုံမှန်နေ့စဥ်လှုပ်ရှားသွားလာမှုပြုလုပ်နိုင်ပါတယ်။
6. မျက်လုံးပွတ်ခြင်း၊ ကုတ်ခြင်းအား (၁) လရှောင်ကြဥ်ရန်။
7. ရေကူးခြင်းအား (၁) လရှောင်ကြဥ်ရန်။
8. အလွန်လေးလံသောပစ္စည်းများ သယ်မခြင်းကို (၁) လရှောင်ကြဥ်ရန်။
9. မျက်လုံးအတွင်း မီးခိုး၊ ဖုန်မှုန့်များမဝင်အောင် (၁) လဝန်းကျင်ခန့် ဂရုစိုက်ရန်။
10. ရှုးဖိနပ်ဝတ်ခြင်း (သို့) ပစ္စည်းများကောက်ကူခြင်းပြုလုပ်ရာတွင် ခန္ဓာကိုယ်အား ရုတ်တရက်ကိုင်းညွတ်လိုက်ခြင်းအား (၁) လဝန်းကျင်အထိရှောင်ကြဥ်ရန်။
11. ခွဲစိတ်မှုအပြီးတွင် (၂) ပတ်နောက်ပိုင်းအထိ ခန္ဓာကိုယ်ကိုပက်လက်အနေအထားဖြင့် အိပ်ရန်လိုအပ်ပါတယ်။
12. ကုသမှုအပြီး (၂) ပတ်ပြည့်သည်အထိ အိပ်ရာဝင်တိုင်း မျက်လုံးအကာတပ်အိပ်ရန်လိုအပ်ပါတယ်။
13. (၂) ပတ်ပြည့်သည်အထိ မျက်လုံးအတွင်းရေမဝင်အောင်ဂရုစိုက်ရန်၊ မျက်နှာကိုသန့်ရှင်းလိုတဲ့အခါ သန့်ရှင်းသောပုဝါစဖြင့် နူးညံ့ညင်သာစွာပြုလုပ်နိုင်ပါတယ်။ ခေါင်းလျှော်လိုပါက Hair Salon သို့ သွားရောက်နိုင်ပါတယ်။

ကုသမှုအပြီး အနာကျက်နှုန်းနှင့် အမြင်အာရုံတိုးတက်မှုကို စစ်ဆေးရန်အတွက် ကုသမှုအပြီး ၁ ရက်၊ ၁ ပတ်၊ ၁ လ၊ ၆ လနှင့် ၁ နှစ်အချိန်တွေမှာ Follow-Up လာရောက်ပြသဖို့ အကြံပြုပါတယ်။ ‌နောက်ပိုင်းမှာတော့ ၁ နှစ် ၁ ခါလာရောက်ပြသခြင်းအားဖြင့် အသက်အရွယ်နှင့် မျက်လုံးကျန်းမာရေးအခြေအနေအလိုက် ပြောင်းလဲမှုများကို စစ်ဆေးနိုင်ပါတယ်။