မျက်လုံးအတွင်းပိုင်းရှိ မြင်လွှာ (Retina) သည် ဖြတ်သန်းဝင်ရောက်လာသော အလင်းကို တုံ့ပြန်ပေးနိုင်သော အဓိကအာရုံခံအလွှာဖြစ်ပြီး ကြည်လင်ပြတ်သားသော အမြင်အာရုံအတွက် မရှိမဖြစ် လိုအပ်ပါတယ်။   ဆီးချိုရောဂါကြောင့် မြင်လွှာထိခိုက်ခြင်း၊ အသက်အရွယ်အရ မြင်လွှာယိုယွင်းခြင်း၊ သို့မဟုတ် မြင်လွှာကွာခြင်း ကဲ့သို့သော ပြင်းထန်သည့်ရောဂါအများစုသည် ကနဦးအဆင့်တွင် ရောဂါလက္ခဏာ မပြတတ်ပါ။   ဘန်ကောက်မျက်စိအထူးကုဆေးရုံကြီး၏ မြင်လွှာအသေးစိတ်စစ်ဆေးမှု Package သည် အဆိုပါရောဂါများကို စောစီးစွာသိရှိနိုင်စေရန်၊ အချိန်မီ ကုသမှုခံယူနိုင်ရန်နှင့် သင်၏အမြင်အာရုံကို ကာကွယ်ထိန်းသိမ်းနိုင်စေရန် ရည်ရွယ်ပါတယ်။ မြင်လွှာ အသေးစိတ်စစ်ဆေးမှု (Retina Check-Up) ပုံမှန်ပြုလုပ်သင့်သူများ အောက်ပါအုပ်စုများတွင် ပါဝင်သူများသည် မြင်လွှာရောဂါဖြစ်နိုင်ခြေ ပုံမှန်ထက် ပိုမိုများပြားပါတယ်။   🔴 ဆီးချိုရောဂါ ရှိသူများ (Diabetic Patients)ဆီးချိုရောဂါသည် မြင်လွှာရှိ သွေးကြောငယ်များကို ပျက်စီးစေပြီး 'Diabetic Retinopathy' ကို ဖြစ်စေနိုင်ပါတယ်။ အစပိုင်းတွင် လက္ခဏာမပြတတ်သောကြောင့် အထူးသတိပြုရန် လိုအပ်ပါသည်။ သွေးတွင်းသကြားဓာတ်ကို စနစ်တကျမထိန်းချုပ်သူများအနေဖြင့် မကြာခဏစစ်ဆေးရန် အရေးကြီးပါသည်။   🔴 အဝေးမှုန်ပါဝါ အလွန်များသူများ (High Myopia)မျက်မှန်ပါဝါ အလွန်များသူများသည် မြင်လွှာပါးလွှာလေ့ရှိပါသည်။ ထို့ကြောင့် မြင်လွှာပေါက်ပြဲခြင်း၊ မြင်လွှာကွာခြင်း (Retinal Detachment) နှင့် Macular Degeneration ကဲ့သို့သော ပြင်းထန်သည့်ရောဂါများ ဖြစ်နိုင်ခြေ ပုံမှန်ထက်ပိုများပါသည်။   🔴 အသက် ၅၀ အထက်နှင့် မြင်လွှာရောဂါ မျိုးရိုးရှိသူများ (Age over 50 & Family History)အသက်အရွယ်ကြီးလာသည်နှင့်အမျှ Age-related Macular Degeneration (AMD)၊ Retinal Vein Occlusion ကဲ့သို့သော မြင်လွှာဆိုင်ရာ ရောဂါများ ဖြစ်ပွားနိုင်ခြေ မြင့်တက်လာနိုင်ပါတယ်။ ထို့အတူ မိသားစုမျိုးရိုးတွင် မြင်လွှာရောဂါ ရှိခဲ့ဖူးပါက မိမိတွင်လည်း ဖြစ်နိုင်ခြေ ပိုများပါသည်။     🚨 ချက်ချင်းပြသရန် လိုအပ်သော အရေးပေါ်လက္ခဏာများ   အကယ်၍ သင်သည် အောက်ပါလက္ခဏာများထဲမှ တစ်ခုခုကို ရုတ်တရက် ကြုံတွေ့ရပါက၊ ၎င်းသည် သင်၏မြင်လွှာ အရေးပေါ်အခြေအနေ (Retinal Emergency) ဖြစ်နိုင်သောကြောင့် Retina Specialist (မြင်လွှာအထူးကု) နှင့် ချက်ချင်းတိုင်ပင်ပြသရပါမယ်။ 👁️‍🗨️ အလင်းတန်းများ လက်ခနဲ မြင်ရခြင်း (Flashes) - Flash မီးရောင်ကဲ့သို့ မျက်စိထဲတွင် ရုတ်တရက် လင်းခနဲ ဖြစ်ခြင်း 👁️‍🗨️ Floaters များ ရုတ်တရက် ပိုများလာခြင်း - မျက်စိရှေ့တွင် ပင့်ကူအိမ်များကဲ့သို့ ဂျယ်လီပုံ အမျှင်များ၊ အစက်အပျောက်များ ရုတ်တရက် အများအပြား မြင်လာခြင်း 👁️‍🗨️ လိုက်ကာ ကွယ်နေသလို မြင်ရခြင်း (Curtain-like Shadow) - မျက်စိအမြင်အာရုံ၏ တစ်စိတ်တစ်ပိုင်းကို လိုက်ကာချထားသကဲ့သို့ သို့မဟုတ် အရိပ်မည်းကြီးတစ်ခု ကွယ်နေသလို မြင်ရခြင်း 👁️‍🗨️ Blind Spots - မြင်ကွင်းထဲတွင် အမည်းစက်များ သို့မဟုတ် အကွက်လိုက် မမြင်ရသောနေရာများ ဖြစ်ပေါ်လာခြင်း 👁️‍🗨️ ပုံရိပ်များ ကွေးကောက်နေခြင်း (Distortion) - မျဉ်းဖြောင့်များ (တံခါးဘောင်၊ ပြတင်းပေါက်လိုင်းများ) ကို ကြည့်လျှင် ကွေးကောက်နေခြင်း 👁️‍🗨️ အမြင်အာရုံရှေ့တည့်တည့်တွင် ဝေဝါးခြင်း - အထူးသဖြင့် အမြင်အာရုံ၏ အလယ်ဗဟိုတည့်တည့်တွင် ပုံရိပ်များ ယိုယွင်းဝေဝါးနေခြင်း 👁️‍🗨️ ညဘက်တွင် အမြင်အာရုံကျဆင်းခြင်း (Night Vision Difficulty) မြင်လွှာရောဂါများသည် အစောပိုင်းတွင် လက္ခဏာမပြဘဲ ဖြစ်ပွားနိုင်သော်လည်း ရုတ်တရက် အမြင်အာရုံဆုံးရှုံးသည်အထိ ပြင်းထန်နိုင်ပါသည်။ ထို့ကြောင့် စောစီးစွာသိရှိပြီး အချိန်မီကုသမှုခံယူခြင်းသည် သင်၏အဖိုးတန်သော အမြင်အာရုံကို ကာကွယ်ရန် အကောင်းဆုံးနည်းလမ်း ဖြစ်ပါသည်။ November Promotion   Regular Price (International) - 7,800 Baht Promotion Price - 3,900 Baht   ဤနှုန်းထားသည် ၂၀၂၅ ခုနှစ်၊ နိုဝင်ဘာလ ၃၀ ရက်နေ့အထိသာ အကျုံးဝင်ပါတယ်။   Package တွင်ပါဝင်သော စစ်ဆေးမှုအဆင့်များ   အဓိကကျသော မျက်စိစစ်ဆေးမှုများအပြင် မြင်လွှာအထူးကုဆရာဝန်ကြီးကိုယ်တိုင် စမ်းသပ်ဆွေးနွေးမှု ပါဝင်ပါတယ်။   ✅ Visual Acuity -  သင်၏ အဓိက အမြင်အာရုံ၏ ပြတ်သားမှုနှင့် ကြည်လင်မှုကို တိုင်းတာခြင်း ဖြစ်ပါတယ်။   ✅ Computer Auto Refractometer - မျက်မှန်ပါဝါကို အလိုအလျောက်စနစ်ဖြင့် တိကျစွာ တိုင်းတာပေးသော စက်ဖြစ်ပါတယ်။   ✅ Automatic Tonometer - မျက်လုံးအတွင်းရှိ ဖိအားကို လျင်မြန်စွာ တိုင်းတာခြင်းဖြင့် ရေတိမ်ရောဂါ (ရှိ၊ မရှိ) ကိုပါ စစ်ဆေးပေးခြင်း   ✅ Dilating Eye Examination - အထူးမျက်စဉ်းဆေးရည်ဖြင့် မျက်ဆံကို ချဲ့ပြီးနောက် မျက်လုံး၏ အတွင်းပိုင်းဖွဲ့စည်းပုံများကို အသေးစိတ်စစ်ဆေးခြင်း   ✅ Manifest Refraction - သင့်အတွက် အကြည်လင်ဆုံးဖြစ်နိုင်မယ့် မျက်မှန်ပါဝါကို တိကျစွာ တိုင်းတာပေးခြင်း   ✅ Optical Coherence Tomography for Retina - အဆင့်မြင့်စက်ကိရိယာဖြင့် သင်၏ မြင်လွှာအလွှာများ၏ ပုံရိပ်တွေကို အသေးစိတ်စစ်ဆေးခြင်း   ✅ Fundus Photography - သင်၏ မြင်လွှာ၊ အမြင်အာရုံကြော နှင့် သွေးကြောများ၏ ပုံရိပ်ကို ရိုက်ယူစစ်ဆေးခြင်း   ✅ Slit Lamp Examination and Consultation) - မြင်လွှာအထူးကုဆရာဝန်ကြီးက အဏုကြည့်မှန်ဘီလူး (Slit Lamp) ဖြင့် သင်၏မျက်လုံး အစိတ်အပိုင်းအားလုံးကို စစ်ဆေးပြီး တွေ့ရှိချက်များကို ရှင်းလင်းဆွေးနွေးပေးမည် ဖြစ်ပါသည်။   ❗️ အရေးကြီးသော ကြိုတင်ပြင်ဆင်ရန်များ   ဤစစ်ဆေးမှုတွင် ဆရာဝန်မှ မြင်လွှာကို အသေးစိတ်စစ်ဆေးနိုင်ရန် မျက်စိသူငယ်အိမ်ချဲ့ပေးတဲ့ မျက်စဉ်းဆေးခတ်ရန် လိုအပ်ပါသည်။   မျက်စဥ်း Effect ကြောင့် အနီးကြည့်မရှင်းခြင်း နှင့် အလင်းရောင်မကြည့်နိုင်ခြင်း တို့သည် ၄ နာရီမှ ၆ နာရီခန့်အထိ ဖြစ်ပေါ်နိုင်ပါတယ်။   စစ်ဆေးမှုခံယူပြီးနောက် အပြန်မှာ ကိုယ်တိုင်ကားမမောင်းရပါ။ ထို့ကြောင့် အိမ်အပြန်ခရီးအတွက် အဖော်ခေါ်လာရန် (သို့မဟုတ်) Taxi သာစီးရန် အရေးကြီးပါတယ်။   ရက်ချိန်းရယူဖို့ အခုပဲ ဆက်သွယ်လိုက်ပါ။   📱 Viber (မြန်မာ): +66965426179   ✉️ Messenger: m.me/100116029459253   📍 လိပ်စာ: 10/989 Soi Prasert Manukitch 33, Nuanchan , Bueng Kum, Bangkok 10230, Thailand   🗺️ Google Map မှာရှာရန်: https://bit.ly/Bangkok-Eye-Hospital-Map-2024  

  မြင်လွှာ (Retina) ဆိုတာဘာလဲ? မြင်လွှာဆိုတာ မျက်လုံးရဲ့ နောက်ဘက်မှာရှိတဲ့ အလင်းရောင်ကို ခံစားသိရှိနိုင်တဲ့ အာရုံကြောတစ်ရှူးအလွှာ ဖြစ်ပါတယ်။ သူက အလင်းရောင်ကို လျှပ်စစ်အချက်ပြအဖြစ် ပြောင်းလဲပြီး ဦးနှောက်ဆီ ပို့ပေးပါတယ်။ ဦးနှောက်က အဲ့ဒီအချက်ပြတွေကို အဓိပ္ပာယ်ဖော်ပြီး အမြင်အာရုံကို ရရှိစေတာပါ။ ဒါကြောင့် ကောင်းမွန်တဲ့ အမြင်အာရုံအတွက် မြင်လွှာက ကျန်းမာနေဖို့ အလွန်အရေးကြီးပါတယ်။     မြင်လွှာကွာခြင်း (Retinal Detachment) ဒါဟာ မျက်လုံးအတွင်းမှာ မြင်လွှာက သူ့ရဲ့နေရာမှန်ကနေ ကွာထွက်သွားတဲ့ အရေးပေါ်ကျန်းမာရေးအခြေအနေတစ်ခု ဖြစ်ပါတယ်။ မြင်လွှာကွာသွားတဲ့အခါ သူ့ကို အောက်ဆီဂျင် (Oxygen) နဲ့ အာဟာရတွေ ထောက်ပံ့ပေးနေတဲ့ သွေးကြောတွေနဲ့ အဆက်အသွယ်ပြတ်တောက်သွားပါတယ်။ ဒီလိုဖြစ်တဲ့အခါ မြင်လွှာကဆဲလ်တွေဟာ တဖြည်းဖြည်း သေဆုံးသွားပြီး အမြန်ဆုံးကုသမှုမခံယူရင် အမြင်အာရုံကို အပြီးတိုင် ဆုံးရှုံးနိုင်ပါတယ်။   မြင်လွှာကွာခြင်းဟာ အသက် ၄၀ မှ ၇၀ ကြား လူတွေမှာ အဖြစ်များပေမဲ့၊ အဝေးမှုန်ဒီဂရီ အလွန်များသူတွေနဲ့ မျက်လုံးထိခိုက်ဒဏ်ရာရဖူးသူတွေမှာတော့ အသက်ငယ်ငယ်နဲ့လည်း ဖြစ်နိုင်ပါတယ်။   အထူးသတိပြုရန်- ဘယ်လိုအသက်အရွယ်မှာမဆို၊ မျက်စိရှေ့မှာ လျှပ်စီးလက်သလို၊ အမှုန်အမွှားတွေ ရုတ်တရက် အများကြီးမြင်လာသလို၊ ဒါမှမဟုတ် အရိပ်မည်းတစ်ခုက ကွယ်လာသလို ခံစားရရင် ချက်ချင်း မျက်စိအထူးကုဆရာဝန်နဲ့ ပြသပြီး မြင်လွှာကို အရေးပေါ်စစ်ဆေးဖို့ လိုအပ်ပါတယ်။     မြင်လွှာကွာခြင်း အမျိုးအစားများ   Rhegmatogenous (RRD) အဖြစ်အများဆုံး အမျိုးအစားပါ။ မြင်လွှာမှာ အပေါက် ဒါမှမဟုတ် အက်ကြောင်းဖြစ်ပြီး အဲ့ဒီနေရာကနေ မျက်လုံးအတွင်းက ဂျယ်လီရည် (Vitreous) တွေ စိမ့်ဝင်ကာ မြင်လွှာကို တွန်းကန်ပြီး ကွာစေတာ ဖြစ်ပါတယ်။   Tractional (TRD) မြင်လွှာမျက်နှာပြင်ပေါ်က အမာရွတ်တစ်ရှူးတွေက ဆွဲဆန့်ခြင်းကြောင့် မြင်လွှာကွာသွားတာပါ။ ပြင်းထန်တဲ့ ဆီးချိုမျက်စိရောဂါ (Diabetic Retinopathy) ရှိသူတွေမှာ အဖြစ်များပါတယ်။   Exudative (ERD) မြင်လွှာမှာ အပေါက်မရှိဘဲ မျက်လုံးအတွင်း ရောင်ရမ်းမှု၊ အလုံးအကျိတ် သို့မဟုတ် ထိခိုက်ဒဏ်ရာကြောင့် မြင်လွှာအောက်က သွေးကြောတွေကနေ အရည်စိမ့်ထွက်ပြီး မြင်လွှာကို တွန်းတင်သလိုဖြစ်ကာ ကွာစေတာ ဖြစ်ပါတယ်။     ဖြစ်နိုင်ခြေပိုများစေသော အကြောင်းရင်းများ အဝေးမှုန်ပါဝါ အလွန်များခြင်း (High Myopia) မျက်လုံးတစ်ဖက်တွင် မြင်လွှာကွာဖူးခြင်း မိသားစုမျိုးရိုးတွင် မြင်လွှာကွာဖူးသူရှိခြင်း မျက်လုံးကို ပြင်းထန်စွာ ထိခိုက်မိခြင်း Lattice Degeneration ဟုခေါ်သော မြင်လွှာပါးသည့် နေရာများရှိခြင်း   ချက်ချင်းကုသမှုခံယူရန် လိုအပ်သော ရောဂါလက္ခဏာများ မျက်စိရှေ့မှာ အမှုန်အမွှားတွေ၊ ပင့်ကူအိမ်လို အမျှင်တွေ ရုတ်တရက် အများကြီးမြင်လာခြင်း။ လျှပ်စီးလက်သလို အလင်းရောင်များ ရုတ်တရက်မြင်လာခြင်း (အထူးသဖြင့် ဘေးဘက်အမြင်အာရုံမှာ မြင်နေရခြင်း)။ လိုက်ကာ၊ ဒါမှမဟုတ် အရိပ်မည်းတစ်ခုက အမြင်အာရုံကို လာကွယ်သလို ခံစားရခြင်း။ အမြင်အာရုံ ရုတ်တရက် ဝါးသွားခြင်း သို့မဟုတ် ပုံရိပ်များပုံပျက်သွားခြင်း။   ရောဂါရှာဖွေစစ်ဆေးခြင်း မျက်စိအထူးကုဆရာဝန်က မျက်စိသူငယ်အိမ်ချဲ့တဲ့ မျက်စဥ်းခပ်ပြီး အထူးပြုလုပ်ထားတဲ့ မှန်ဘီလူးများဖြင့် မြင်လွှာတစ်ခုလုံးကို စစ်ဆေးပါလိမ့်မယ်။ အကယ်၍ မျက်လုံးအတွင်း သွေးထွက်နေလို့ မြင်လွှာကို ရှင်းရှင်းလင်းလင်း မမြင်ရရင် Ocular Ultrasound (အာထရာဆောင်း) ရိုက်ပြီး စစ်ဆေးရနိုင်ပါတယ်။     Vitrectomy ဖြင့် ခွဲစိတ်ကုသခြင်း မြင်လွှာကွာသွားပါက ခွဲစိတ်ကုသရန် လိုအပ်ပါသည်။   Vitrectomy (with PPV Endolaser): ဒါဟာ ယနေ့ခေတ်မှာ အသုံးအများဆုံးနဲ့ အဆင့်အမြင့်ဆုံး ခွဲစိတ်ကုသမှုနည်းလမ်း ဖြစ်ပါတယ်။ Pars Plana Vitrectomy (PPV) လို့လည်း ခေါ်ပါတယ်။ ဒီနည်းလမ်းမှာ မျက်လုံးပေါ်မှာ အလွန်သေးငယ်တဲ့ အပေါက်လေးတွေ ဖောက်ပြီး သေးငယ်တဲ့ ကိရိယာတွေ ထည့်သွင်းကာ မြင်လွှာကို ဆွဲထားတဲ့ ဂျယ်လီရည် (Vitreous) ကို ဖယ်ရှားပါတယ်။ မြင်လွှာကို နေရာတကျ ပြန်ခင်းပြီးတဲ့နောက်မှာ မျက်လုံးအတွင်းထဲကနေ လေဆာတံ (Endolaser) ကို အသုံးပြုပြီး မြင်လွှာအပေါက်တွေကို "ဂဟေဆော်သလို" ပိတ်ပေးပါတယ်။ နောက်ဆုံးမှာတော့ မြင်လွှာကို နေရာတကျ ကပ်နေစေဖို့ Gas Bubble ဒါမှမဟုတ် Silicone Oil ထည့်သွင်းပြီး ခွဲစိတ်မှုကို အဆုံးသတ်ပါတယ်။     ခွဲစိတ်ပြီးနောက် လိုက်နာရမည့် အရေးကြီးညွှန်ကြားချက်များ   အနေအထား: မျက်လုံးထဲ Gas Bubble ထည့်ထားပါက ဆရာဝန်ညွှန်ကြားသည့် အနေအထား (ဥပမာ - မှောက်အိပ်ခြင်း) အတိုင်း တိကျစွာနေထိုင်ရပါမည်။ ခရီးသွားခြင်း/အမြင့်တက်ခြင်း: Gas Bubble လုံးဝစုပ်ယူမသွားမချင်း လေယာဉ်မစီးရ၊ တောင်တက်ခြင်း၊ အမြင့်ပိုင်းဒေသများသို့ မသွားရ။ လှုပ်ရှားမှု: ဆရာဝန်ခွင့်မပြုမချင်း ပြင်းထန်သော အားကစား၊ အလေးအပင်မခြင်း၊ ခါးကုန်းခြင်းစသည်တို့ကို ရှောင်ကြဉ်ပါ။ မျက်စိကို ဂရုစိုက်ခြင်း: ညွှန်ကြားထားသော ဆေးရည်များကို မှန်မှန်ခတ်ပါ။ မျက်လုံးထဲ ရေမဝင်အောင် ဂရုစိုက်ပါ။ အမြင်အာရုံ ပြန်လည်ကောင်းမွန်လာခြင်း: ခွဲစိတ်ပြီးချင်း အမြင်အာရုံချက်ချင်းမကြည်လင်ပါ။ ရက်သတ္တပတ်၊ လနှင့်ချီပြီး တဖြည်းဖြည်းသာ တိုးတက်လာမှာပါ။     သင်၏ အမြင်အာရုံကို ကာကွယ်ရန် အထူးသဖြင့် ဖြစ်နိုင်ခြေများသူများအနေဖြင့် မျက်စိသူငယ်အိမ်ချဲ့ပြီး ပုံမှန်စစ်ဆေးပါ။ မျက်လုံးထိခိုက်နိုင်သော အားကစား သို့မဟုတ် အလုပ်များလုပ်သည့်အခါ အကာအကွယ်မျက်မှန် တပ်ဆင်ပါ။ အထက်တွင်ဖော်ပြထားသော ရောဂါလက္ခဏာများ ခံစားရပါက မျက်စိအထူးကုဆရာဝန်နှင့် ချက်ချင်းပြသပါ။ ကုသမှုမြန်ဆန်လေလေ၊ အမြင်အာရုံပြန်ကောင်းနိုင်ခြေ များလေလေ ဖြစ်ပါတယ်။ စစ်ဆေးကုသမှုခံယူဖို့ လုံးဝမနှောင့်နှေးပါနဲ့။   Bangkok Eye Hospital တွင် စစ်ဆေးကုသနိုင်ပါတယ်။    ထိုင်းနိုင်ငံရဲ့ ဝါရင့်ထိပ်တန်း မြင်လွှာအထူးကုဆရာဝန်ကြီးများထံမှာ Vitrectomy နည်းဖြင့် စစ်ဆေးကုသမှုခံယူလိုပါက အောက်ပါအတိုင်း ဆက်သွယ်စုံစမ်းနိုင်ပါတယ်။   📱 Viber (မြန်မာ): +66965426179   ✉️ Messenger: m.me/100116029459253    📍 လိပ်စာ: 10/989 Soi Prasert Manukitch 33, Nuanchan, Bueng Kum, Bangkok 10230, Thailand   🗺️ Google Map မှာရှာရန်: https://bit.ly/Bangkok-Eye-Hospital-Map-2024