ကုထုံးက ကိုယ့်အတွက် အကောင်းဆုံးရွေးချယ်မှု ဟုတ်၊ မဟုတ် ဆန်းစစ်နိုင်ဖို့ အောက်ပါအချက်တွေကို လေ့လာကြည့်နိုင်ပါတယ်။

၁။ အသက် ၄၀ ကျော်အရွယ်နှင့် အနီးမှုန်ခြင်းအခက်အခဲကို နေ့စဉ်ကြုံတွေ့နေရသူများ

ကိုယ်က အသက် ၄၀ ကျော်အရွယ်ဖြစ်ပြီး အနီးကြည့်မျက်မှန်၊ နှစ်ထပ်မျက်မှန် (bifocals) ဒါမှမဟုတ် သုံးထပ်မျက်မှန် (progressive lenses) တို့ကို အသုံးပြုပြီး အနီးအရာဝတ္ထုတွေကို ကြည့်ရှုနေရတဲ့ Presbyopia (အသက်အရွယ်ကြောင့် အနီးမှုန်ခြင်း) ရဲ့ နေ့စဉ်အခက်အခဲတွေကြောင့် စိတ်အနှောင့်အယှက်ဖြစ်နေသူများအတွက် သင့်တော်နိုင်ပါတယ်။

၂။ အဝေးမှုန်၊ အနီးမှုန် ဒီဂရီများအတွက် မြန်ဆန်ထိရောက်တဲ့ကုထုံးကို ရှာဖွေနေသူများ

ကိုယ့်မှာ အသင့်အတင့်ကနေ ဒီဂရီများပြားတဲ့ အဝေးမှုန် (myopia) ဒါမှမဟုတ် အနီးမှုန် (hyperopia)၊ astigmatism (စလင်ဒါ) ရှိတာဖြစ်စေ၊ မရှိတာဖြစ်စေ တည်ငြိမ်တဲ့ ဒီဂရီတစ်ခုရှိပြီး မျက်မှန်နဲ့ မျက်ကပ်မှန်တို့အစား ရေရှည်အတွက် အဖြေတစ်ခုကို ရှာဖွေနေသူများအတွက်လည်း သင့်တော်ပါတယ်။

၃။ LASIK ကုထုံးအတွက် အဆင်မပြေဟု အကြံပြုခံထားရသူများ

ကိုယ်က မျက်ကြည်လွှာပါးလွှာတာ ဒါမှမဟုတ် နာတာရှည် မျက်လုံးခြောက်သွေ့တာလို အကြောင်းအရင်းတွေကြောင့် LASIK လို လေဆာနဲ့မျက်စိကုသမှုအတွက် မသင့်တော်သူလို့ အကြံပြုခံထားရဖူးသူဆိုပါကလည်း RLE နည်းလမ်းကို ထည့်သွင်းစဥ်းစားနိုင်ပါတယ်။

၄။ အတွင်းတိမ် စတင်ဖြစ်ပေါ်နေတဲ့ လက္ခဏာများ ပြသနေသူများ

ကိုယ့်မှာ အတွင်းတိမ် စတင်ဖြစ်ပေါ်နေပြီး RLE ကုထုံးက အမြင်အာရုံကို ပြုပြင်ပေးတဲ့အပြင် တိမ်ဖြစ်နေတဲ့ မှန်ဘီလူးကိုပါ တစ်ခါတည်း လဲလှယ်ပေးတဲ့အတွက် အကျိုးကျေးဇူး (၂) မျိုးကို Procedure တစ်ခုတည်းကနေ ရရှိစေပါတယ်။ ဆိုလိုတာကတော့ အနာဂတ်မှာ အတွင်းတိမ်အတွက် သီးသန့်ခွဲစိတ်ကုသမှု ခံယူဖို့မလိုအပ်တော့ပါဘူး။

၅။ အခြားသောမျက်စိရောဂါ ကင်းစင်သူများ

ကိုယ်က ခွဲစိတ်ကုသမှုရလဒ်ကို ထိခိုက်စေနိုင်တဲ့ ရေတိမ်အကြီးစား (advanced glaucoma)၊ ဆီးချိုကြောင့်ဖြစ်တဲ့ မျက်စိအာရုံကြောထိခိုက်ခြင်း (diabetic retinopathy) ဒါမှမဟုတ် အမြင်လွှာယိုယွင်းပျက်စီးခြင်း (macular degeneration) လို ပြင်းထန်တဲ့ မျက်စိရောဂါတွေကနေ ကင်းစင်သူဖြစ်ရပါမယ်။

မျက်လုံး ကျန်းမာရေး : #ตีไกล

ဆေးရုံတည်နေရာ

Laser Vision International LASIK Center

ဆက်သွယ်ရန်