အသက် ၅၀ နောက်ပိုင်းမှာပါ အမြင်အာရုံကြည်လင်နေစေမယ့် RLE ကုထုံး Refractive Lens Exchange (RLE) ဆိုတာဘာလဲ - အသက်အရွယ်ကြောင့် စွမ်းဆောင်ရည်ကျဆင်း၊ အားနည်းလာတဲ့ မျက်လုံးရဲ့ သဘာဝမှန်ဘီလူးနေရာမှာ အဆင့်မြင့်နည်းပညာသုံး မှန်ဘီလူးအသစ် (IOL) အစားထိုးထည့်သွင်းပြီး အမြင်အာရုံကို တစ်သက်လုံးစာအတွက် အသစ်လဲလှယ်ပေးတဲ့ အဆင့်မြင့်ကုသမှုဖြစ်ပါတယ်။ ဘယ်သူတွေအတွက် အသင့်တော်ဆုံးလဲ - အသက် ၄၅ နောက်ပိုင်းစပြီး ကနေ ၅၅ နှစ်နဲ့အထက် သဘာဝမှန်ဘီလူး စတင်နောက်ကျိလာသူတွေ၊ အနီးမှုန်လာသူတွေနဲ့ LASIK လုပ်ဖို့ မသင့်တော်တဲ့ မျက်မှန်ပါဝါအရမ်းများသူတွေအတွက် အထူးသင့်လျော်လေ့ရှိပါတယ်။ ဘယ်လိုအကျိုးကျေးဇူးတွေ ရရှိမလဲ - ရွေးချယ်လိုက်တဲ့ မှန်ဘီလူးအမျိုးအစားအလိုက် အကွာအဝေးအားလုံးအတွက် အမြင်အာရုံကို ပြန်လည်ကြည်လင်စေနိုင်ပြီး  နေ့စဥ်ဘဝမှာ ကြည်လင်ပြတ်သားစွာ ဖြတ်သန်းနိုင်စေပါတယ်။ဒါ့အပြင် နောင်တစ်ချိန်မှာ မျက်စိတိမ် (Cataracts) လုံးဝ မဖြစ်နိုင်တော့ပါဘူး။ ဘန်ကောက်လို သက်ဝင်လှုပ်ရှားနေတဲ့ မြို့ကြီးမှာ နေထိုင်ရတာဟာ BTS စီးတာပဲဖြစ်ဖြစ်၊ Sukhumvit က Rooftop စားသောက်ဆိုင်မှာ မီနူးဖတ်တာပဲဖြစ်ဖြစ်၊ Phuket, Hua Hin ကို ခရီးထွက်တာပဲဖြစ်ဖြစ် အမြဲတမ်း သွားလာလှုပ်ရှားနေရတာပါ။ ဒါပေမဲ့ သင့်ရဲ့အမြင်အာရုံက မျက်စိတိမ်ကြောင့် မှုန်ဝါးနေမယ် (ဒါမှမဟုတ်) အနီးမှုန်တာကြောင့် နေ့စဉ်ဘဝမှာ အခက်အခဲတွေ ကြုံနေရပြီဆိုရင်တော့ ဒီလိုပျော်စရာကောင်းတဲ့ အခိုက်အတန့်တွေဟာ အရသာပျက်သွားနိုင်ပါတယ်။ နိုင်ငံခြားသားတွေနဲ့ ခရီးသွားတွေအတွက် ပူအိုက်စိုစွတ်တဲ့ ရာသီဥတုမှာ မျက်မှန်အမြဲ မှိုင်းတက်နေတာ၊ မျက်ကပ်မှန် တပ်ရဖြုတ်ရ ကသိကအောက်ဖြစ်တာတွေဟာ စိတ်အနှောင့်အယှက်ဖြစ်စရာတစ်ခုတင်မကဘဲ ဘဝကို အပြည့်အဝခံစားဖို့ အဟန့်အတားတစ်ခုပါပဲ။ Refractive Lens Exchange (RLE) ဟာ လူတစ်ဦးချင်းစီရဲ့ မျက်လုံးအခြေအနေနဲ့ ကိုက်ညီအောင် စိတ်ချလုံခြုံစွာ ကုသပေးနိုင်တဲ့ အကောင်းဆုံးနည်းလမ်းဖြစ်ပြီး သက်တောင့်သက်သာရှိမှုနဲ့ ရှင်းလင်းပြတ်သားတဲ့ အမြင်အာရုံကို နေ့စဉ်ဘဝမှာ ပြန်လည်ရရှိစေမှာပါ။   Refractive Lens Exchange (RLE) ဆိုတာ ဘာလဲ? Refractive Lens Exchange (RLE) ဆိုတာ မျက်စိအတွင်းတိမ်ခွဲစိတ်မှုနဲ့ ဆင်တူပါတယ်။ မျက်လုံးရဲ့ သဘာဝမှန်ဘီလူးကို ဖယ်ရှားပြီး သူ့နေရာမှာ မိမိမျက်လုံးနဲ့ အကိုက်ညီဆုံးဖြစ်မယ့် မှန်ဘီလူးအသစ် (Intraocular Lens - IOL) ကို အစားထိုးထည့်သွင်းပေးတာ ဖြစ်ပါတယ်။ ဒီကုသမှုဟာ မျက်စိအလင်းယိုင်မှုပြဿနာတွေကို ပြင်ဆင်ပေးပြီး မျက်မှန် ဒါမှမဟုတ် မျက်ကပ်မှန် လုံးဝတပ်စရာမလိုတော့အောင် ဖန်တီးပေးတာပါ။ သဘာဝမှန်ဘီလူးတွေ စတင်စွမ်းဆောင်ရည်ကျဆင်းပြီး နောက်ကျိလာတတ်တဲ့ အသက် ၅၀ ကျော်အရွယ်တွေအတွက် RLE ဟာ အကွာအဝေးပေါင်းစုံကို ကြည်လင်စွာမြင်ရစေမယ့် ရေရှည်အဖြေတစ်ခုပဲ ဖြစ်ပါတယ်။ သင့်အသက်အရွယ်နဲ့ RLE ကုသမှုက အသင့်တော်ဆုံး ဟုတ်မဟုတ် ဘယ်လိုသိနိုင်မလဲ? အသက်အရွယ်ပြောင်းလဲလာတာနဲ့အမျှ မျက်စိစောင့်ရှောက်မှု လိုအပ်ချက်တွေကလည်း ပြောင်းလဲလာပါတယ်။ အကောင်းဆုံး ရေရှည်ရလဒ်တွေ ရရှိစေဖို့အတွက် သဘာဝမှန်ဘီလူးရဲ့ အခြေအနေအပေါ် မူတည်ပြီး ကုသမှုတွေကို အောက်ပါအတိုင်း ခွဲခြားထားပါတယ် -   အသက် ၂၀ မှ ၅၀ ကြား ဒီအရွယ်တွေမှာ သဘာဝမှန်ဘီလူးက ပျော့ပျောင်းမှုရှိနေဆဲပါ။ အဝေးမှုန်တာ၊ ဆလင်ဒါပါဝါရှိတာတွေကို SMILE Pro® 2.0, NanoLASIK®, NanoRelex®, သို့မဟုတ် ICL (Implantable Lenses) အစရှိတဲ့ နည်းပညာတွေနဲ့ ကုသလေ့ရှိပါတယ်။ မျက်ကြည်လွှာ အရမ်းပါးလို့ LASIK လုပ်လို့မရတဲ့ သူတွေအတွက်ပါ အထူးသင့်လျော်ပါတယ်။အချို့သော အခြေအနေတွေမှာ ၄၅ နှစ်ဝန်းကျင်နှင့် အထက်မှာလည်း ကုသမှုအတွက် အကြံပေးလေ့ရှိပါတယ်။  အသက် ၅၀ မှ ၅၅ နှစ်နှင့်အထက် ဒီအရွယ်မှာတော့ သဘာဝမှန်ဘီလူးဟာ ပိုမိုမာကျောလာပြီး နောက်ကျိလာတတ်ပါတယ်။ လေဆာကုသမှုတွေမှာ ကန့်သတ်ချက်တွေ ရှိလာပါပြီ။ ဒါကြောင့် မျက်မှန်ပါဝါပြဿနာကိုရော နောင်မှာဖြစ်လာနိုင်တဲ့ မျက်စိတိမ်ပြဿနာကိုပါ တစ်ခါတည်း ဖြေရှင်းပေးနိုင်တဲ့ RLE ဟာ အကောင်းဆုံး ရွေးချယ်မှုပဲ ဖြစ်ပါတယ်။   မျက်လုံးရဲ့ သဘာဝမှန်ဘီလူးက ဘယ်လိုအလုပ်လုပ်သလဲ? သဘာဝမှန်ဘီလူးဟာ မျက်အိမ် (Iris) ရဲ့ အနောက်ဘက်မှာရှိပြီး ကြည်လင်ပျော့ပျောင်းပါတယ်။ ငယ်ရွယ်သူတွေမှာ အလင်းကို လွယ်ကူစွာ စုစည်းပေးနိုင်ပေမယ့်၊ အသက်ကြီးလာတာနဲ့အမျှ မှန်ဘီလူးထဲက ပရိုတင်းတွေ စုပုံလာပြီး ပျော့ပျောင်းမှု လျော့ကျလာပါတယ်။ ဒါကြောင့် အသက်အရ အနီးမှုန်ခြင်း (Presbyopia) ကို စတင်ခံစားရပြီး၊ နောက်ဆုံးမှာ အမြင်အာရုံကို မှုန်ဝါးသွားစေတဲ့ မျက်စိတိမ် (Cataracts) အထိ ဖြစ်ပေါ်လာစေပါတယ်။ သင့်အတွက် အသင့်တော်ဆုံး မှန်ဘီလူး (IOL) ကို ရွေးချယ်ခြင်း RLE ကုသမှုမှာ မျက်လုံးတွင်းထည့် မှန်ဘီလူး (IOL) ရွေးချယ်ခြင်းက အရေးကြီးဆုံးအဆင့် ဖြစ်ပါတယ်။ လူနာတစ်ဦးချင်းစီရဲ့ မျက်လုံးအရှည်၊ မျက်ကြည်လွှာ အကွေးအဝိုက်တွေအပေါ် မူတည်ပြီး အဆင့်မြင့်နည်းပညာသုံး တွက်ချက်မှုတွေနဲ့ အတိကျဆုံး ရွေးချယ်ပေးတာပါ။ မှန်ဘီလူး အမျိုးအစား အဓိက အားသာချက်များ ဘယ်လိုအနေအထားမှာ အသင့်တော်ဆုံးလဲ? Monofocal(အကွာအဝေးတစ်ခုတည်းကြည့်) အဝေးကြည့် အလွန်ကြည်လင်ပြတ်သားခြင်း၊ ညဘက် မီးရောင်ပတ်လည် အလင်းဝိုင်းမြင်ရမှု အနည်းဆုံးဖြစ်ခြင်း။ ကားမောင်းခြင်းနှင့် တီဗီကြည့်ခြင်း (စာဖတ်ရန် အနီးကြည့်မှန်ဘီလူး လိုအပ်နိုင်ပါသည်။) EDOF(အကွာအဝေးချိန်ညှိ) အဝေးမှ အလယ်အလတ်အကွာအဝေးထိ ချောမွေ့စွာ မြင်ရခြင်း။ ကွန်ပျူတာသုံးခြင်း၊ ဟင်းချက်ခြင်းနှင့် ကားမောင်းခြင်း။ Trifocal(အကွာအဝေးသုံးခုကြည့်) အနီး၊ အလယ်အလတ်၊ အဝေး သုံးမျိုးလုံးကို ကြည်လင်စွာ မြင်ရခြင်း။ မျက်မှန်တပ်ရန် လုံးဝ (လုံးဝ) မလိုအပ်တော့ပါ။ Monovision နှင့်ပတ်သက်ပြီး သိထားသင့်သောအချက် - Monofocal မှန်ဘီလူးများကို အသုံးပြု၍ အားသန်သည့်မျက်လုံး (Dominant eye) ကို အဝေးကြည့်ရန်နှင့် ကျန်တစ်ဖက်ကို အနီးကြည့်ရန် ချိန်ညှိပေးနိုင်ပါသည်။ ဤ "Monovision" နည်းလမ်းသည် မျက်စိနှစ်ဖက်ပေါင်းစပ်ကြည့်ရှုခြင်းကို ကျင့်သားရလာသူများအတွက် မျက်မှန်လိုအပ်ချက်ကို သိသိသာသာ လျော့ကျစေနိုင်ပါတယ်။   RLE ကုသမှုကို ဘယ်လိုလုပ်ဆောင်ပေးတာလဲ?   ပိုမိုကောင်းမွန်သော ရွေးချယ်မှု - လေဆာဖြင့်လုပ်ဆောင်သော RLE (No-Blade RLE) အမြင့်မားဆုံး တိကျသေချာမှုကို လိုချင်တဲ့ လူနာတွေအတွက် No-Blade RLE မှာ နောက်ဆုံးပေါ် Femtosecond Laser ကို အသုံးပြုပါတယ်။ လေဆာနဲ့ သဘာဝမှန်ဘီလူးကို ကြိုတင်ပျော့ပျောင်းစေတဲ့အတွက် ကြိမ်နှုန်းမြင့် အာထရာဆောင်းလှိုင်း (Phacoemulsification) အသုံးပြုမှုကို လျှော့ချပေးနိုင်ပါတယ်။ ဒါကြောင့် ခွဲစိတ်ပြီး ရောင်ရမ်းမှုကို နည်းပါးစေပြီး အမြင်အာရုံကို ပိုမိုမြန်ဆန်စွာ ပြန်လည်ကောင်းမွန်စေပါတယ်။ ခွဲစိတ်ပြီးနောက်ပိုင်း အခြေအနေနဲ့ အနာကျက်ခြင်းဖြစ်စဥ်  RLE လုပ်ပြီးနောက်မှာ သင့်ဦးနှောက်ဟာ မှန်ဘီလူး (IOL) အသစ်နဲ့ အကျွမ်းတဝင်ဖြစ်အောင် အချိန်ယူ ချိန်ညှိရပါတယ်။ (Neuro-adaptation) ပုံမှန် နေ့စဉ်လုပ်ငန်းဆောင်တာတွေကို ၁ ရက်၊ ၂ ရက်အတွင်း ပြန်စနိုင်ပေမယ့်၊ အနီးကြည့်တာတွေ ပိုမိုကောင်းမွန်လာဖို့ ဦးနှောက်က ၁ လခန့် အချိန်ယူရတတ်ပါတယ်။ ညဘက် မီးရောင်စူးတာတွေကတော့ ၃ လကနေ ၆ လအတွင်း တဖြည်းဖြည်း သက်သာပျောက်ကင်းသွားပါလိမ့်မယ်။   ခွဲစိတ်ပြီးနောက် ဂရုစိုက်ရမည့် အချက်များ ပထမ ၁ ရက် မှ ၅ ရက်အတွင်း မျက်စိကို အနားပေးပါ။ ကွန်ပျူတာသုံးလျှင် ခဏတဖြုတ်သာ သုံးပါ။ ဖုန်ထူသောနေရာများကို ရှောင်ပါ။ ပထမ ၁ ပတ် မှ ၂ ပတ်အတွင်း မျက်လုံးထဲ ရေမဝင်ပါစေနှင့်။ အိပ်လျှင် မျက်စိအကာ (Shield) တပ်အိပ်ပါ။ နေကာမျက်မှန် (UV) တပ်ပါ။ ၁ လ နှင့်အထက် လေ့ကျင့်ခန်းများ ပုံမှန်ပြန်လုပ်နိုင်ပါပြီ။ မျက်လုံးပွတ်ခြင်းကို ရှောင်ပါ။ ဆရာဝန်ချိန်းဆိုထားသော ရက်များတွင် လာရောက်ပြသပါ။ သတိထားရမည့် အချက်များနှင့် နောက်ဆက်တွဲပြဿနာများ RLE ဟာ မျက်စိတိမ်ခွဲစိတ်မှုနည်းတူ အလွန်စိတ်ချရတဲ့ နည်းလမ်းဖြစ်ပါတယ်။ မြင်လွှာကွာကျခြင်း၊ ပိုးဝင်ခြင်း ဒါမှမဟုတ် မှန်ဘီလူးလွဲချော်ခြင်းစတဲ့ ဆိုးကျိုးတွေဟာ အလွန်ကို ရှားပါးပါတယ်။ ဘန်ကောက်မျက်စိအထူးကုဆေးရုံကြီးရဲ့ တိကျသေချာတဲ့ အဆင့်မြင့်စက်ကိရိယာ၊ နည်းပညာသုံးစစ်ဆေးမှုတွေ၊ အထူးကုဆရာဝန်ကြီးတွေရဲ့ သေချာစောင့်ရှောက်မှုတွေကြောင့် ဒီလိုအန္တရာယ်တွေကို အကောင်းဆုံး ကာကွယ်ထိန်းချုပ်ပေးထားပါတယ်။   Bangkok Eye Hospital ကို ဘာကြောင့်ရွေးချယ်သင့်သလဲ? ကမ္ဘာ့အဆင့်မီ ခွဲစိတ်မှုနည်းပညာတွေနဲ့ ထိုင်းနိုင်ငံရဲ့ နွေးထွေးပျူငှာတဲ့ ဝန်ဆောင်မှုတွေကို ပေါင်းစပ်ပေးထားပါတယ်။ နိုင်ငံတကာအတွေ့အကြုံရှိ ဝါရင့်ခွဲစိတ်ဆရာဝန်ကြီးတွေက ခေတ်မီစက်ကိရိယာတွေ (ဥပမာ- IOLMaster 700) ကို အသုံးပြုပြီး သင့်ရဲ့ Lifestyle နဲ့ အကိုက်ညီဆုံးဖြစ်မယ့် မှန်ဘီလူးပါဝါကို အဏုစိတ်တိကျမှုနဲ့ တွက်ချက်ကုသပေးနေလို့ပဲ ဖြစ်ပါတယ်။ အမေးများသော မေးခွန်းများ (FAQ) ကိုယ့်အတွက် အမှန်ကန်ဆုံး မှန်ဘီလူးပါဝါကို ဘယ်လိုရွေးချယ်ရမလဲ? သင့်မျက်လုံးရဲ့ အရှည်၊ မျက်ကြည်လွှာအကွေးအဝိုက်နဲ့ အခြားအချက်အလက်တွေကို အဆင့်မြင့်စက်ကြီးတွေနဲ့ ကြိုတင်တိုင်းတာပြီး သင့်ရဲ့ အမြင်အာရုံလိုအပ်ချက်နဲ့ အကိုက်ညီဆုံးဖြစ်အောင် တွက်ချက်ရွေးချယ်ပေးပါတယ်။ နောင်အနာဂတ်မှာ အမြင်အာရုံ ပြန်ပြောင်းလဲသွားနိုင်သေးလား? လုံးဝ (လုံးဝ) မပြောင်းလဲနိုင်တော့ပါဘူး။ IOL မှန်ဘီလူးဟာ တစ်သက်တာခံပါတယ်။ သူက သဘာဝမှန်ဘီလူးလို အသက်မကြီးသွားသလို၊ မျက်စိတိမ်လည်း ပြန်မဖြစ်တော့တဲ့အတွက် ရေရှည်တည်ငြိမ်တဲ့ အမြင်အာရုံကို ပေးစွမ်းနိုင်ပါတယ်။ ဒါပေမဲ့ မှန်ဘီလူးအသစ်ကို ထိန်းထားပေးတဲ့ အနောက်ဘက်အိတ်လေးကတော့ အချိန်ကြာလာတာနဲ့အမျှ နောက်ကျိလာတတ်ပါတယ်။ ဒါကို PCO (Secondary Cataract) လို့ခေါ်ပြီး မှန်ဘီလူးအသစ်က ကြည်လင်နေဆဲဖြစ်ပေမယ့် အမြင်အာရုံကို မှုန်ဝါးသွားစေနိုင်ပါတယ်။ အဲဒီအခါမျိုးမှာ ၅ - ၁၀ မိနစ်ခန့်သာ အချိန်ပေးရတဲ့ YAG Laser ကုသမှုနဲ့ အလွယ်တကူ ပြန်လည်ရှင်းလင်း ကုသနိုင်ပါတယ်။