ហេតុអ្វីការពិនិត្យភ្នែកមុន LASIK មានសារៈសំខាន់ ហើយហេតុអ្វីត្រូវចំណាយពេលដល់ទៅ ៣ ម៉ោង? សារៈសំខាន់នៃការពិនិត្យភ្នែកមុនពេល LASIK ដ៏ទូលំទូលាយគឺដើម្បីធានានូវលទ្ធផលល្អបំផុតសម្រាប់អ្នកជំងឺ LASIK ។ ប៉ុន្តែហេតុអ្វីបានជាដំណើរការនេះចំណាយពេលដល់ទៅ 3 ម៉ោង? នៅ Laser Vision ការប្តេជ្ញាចិត្តរបស់យើងក្នុងការផ្តល់នូវការព្យាបាល LASIK កម្រិតកំពូលពាក់ព័ន្ធនឹងការវាយតម្លៃដ៏ស្មុគស្មាញនៃស្ថានភាពភ្នែករបស់អ្នកជំងឺដោយប្រើប្រាស់ឧបករណ៍ទំនើបបំផុតដើម្បីវាយតម្លៃចក្ខុនិងផ្ដល់ទិន្នន័យសំខាន់ៗសម្រាប់ការធ្វើរោគវិនិច្ឆ័យ ការធ្វើផែនការនីតិវិធីនិងការជ្រើសរើសវិធីសាស្រ្តព្យាបាល LASIK ដែលសមស្របបំផុតសម្រាប់ការសម្រេចបាននូវចក្ខុច្បាស់លាស់បំផុត។   ដំណើរការល្អិតល្អន់នេះមានបួនជំហានសំខាន់ៗ៖   ជំហានទី 1: ប្រវត្តិអ្នកជំងឺ ដើម្បីផ្តួចផ្តើមដំណើរ LASIK ក្រុមវេជ្ជសាស្រ្ដរបស់យើងនៅ Laser Vision ស្នើសុំឱ្យអ្នកជំងឺបំពេញទម្រង់បែបបទនិងផ្តល់ប្រវត្តិវេជ្ជសាស្ត្ររបស់ពួកគេ។ ព័ត៌មាននេះជួយកំណត់ថាតើអ្នកជំងឺកំពុងប្រើថ្នាំណាមួយឬមានប្រវត្តិនៃលក្ខខណ្ឌវេជ្ជសាស្ត្រជាក់លាលអាក់ដែចប៉ះពាល់ដល់ឬរារាំងការវះកាត់ LASIK ។ ការវាយតម្លៃដំបូងនេះជួយក្នុងការវាយតម្លៃថាតើអ្នកជំងឺគួរតែឆ្លងកាត់ការពិនិត្យភ្នែកដ៏ទូលំទូលាយសម្រាប់ LASIK ដែរឬទេ។ ជំហាននេះជាធម្មតាចំណាយពេល 10-20 នាទី។ ជំហានទី 2: ការវាយតម្លៃភ្នែកដ៏សុីជម្រៅ ដំណើរការចាប់ផ្តើមជាមួយនឹងការវាស់ស្ទង់ភាពមើលឃើញជាមូលដ្ឋានដោយប្រើឧបករណ៍វាស់ស្ទង់ស្វ័យប្រវត្តិ ការវាយតម្លៃសម្ពាធភ្នែកតាមរយៈការវាស់ IOP ដោយប្រើម៉ាស៊ីនខ្យល់ វិភាគភាពកោងនិងកម្រាស់នៃកញ្ចក់ភ្នែកដោយប្រើម៉ាស៊ីន Pentacam និងវាយតម្លៃភាពរឹងរបស់កញ្ចក់ភ្នែកដោយប្រើឧបករណ៍ Corvis។ បន្ទាប់ពីការវាយតម្លៃទាំងនេះ គ្រូពេទ្យជំនាញខាងភ្នែកពិនិត្យសមត្ថភាពមើលឃើញរបស់អ្នកជំងឺ។ ក្នុងករណីខ្លះ អ្នកជំងឺប្រហែលជាត្រូវសាកល្បងវ៉ែនតាកែដើម្បីបង្ហាញប្រសិទ្ធនៃការកែ LASIK ដោយចតនា ជាពិសេសប្រសិនបើពួកគេមានទាំង myopia និង hyperopia រយៈពេលនៃជំហានទាំងនេះប្រែប្រួលដោយនីមួយៗចំណាយពេលពី 30 ទៅ 60 នាទី អាស្រ័យលើកាលៈទេសៈនីមួយៗ។ ជំហានទី 3៖ ការវាយតម្លៃភ្នែកលម្អិតបន្ទាប់ពីការពង្រីកប្រស្រីភ្នែក បន្ទាប់មកបុគ្គលិកពិនិត្យមើលការវាស់វែងដែលបានកត់ត្រាពីមុនទាំងអស់ដើម្បីធ្វើការប្រៀបធៀបមុននិងក្រោយបន្ទាប់ពីការពង្រីកប្រស្រីភ្នែក ដែលអនុញ្ញាតឱ្យមានការវាយតម្លៃហ្មត់ចត់បន្ថែមទៀតនៃការផ្លាស់ប្តូរសក្តានុពល។ ជំហាននេះរួមបញ្ចូលការវាស់វែងម្តងទៀតដែលបានធ្វើឡើងនៅក្នុងជំហានទី 2 ។ ជំហានទី 4: ការពិគ្រោះជាមួយគ្រូពេទ្យឯកទេសភ្នែក ក្នុងជំហានចុងក្រោយ អ្នកជំងឺត្រូវជួបជាមួយគ្រូពេទ្យឯកទេសភ្នែកដែលមានបទពិសោធន៍ដោយប្រើមីក្រូទស្សន៍ឯកទេស គ្រូពេទ្យភ្នែកពិនិត្យសុខភាពភ្នែកទាំងមូល ទាំងខាងក្នុង និងខាងក្រៅ។ ក្រោយមក ពួកគាត់បានពន្យល់ពីស្ថានភាពមើលឃើញបច្ចុប្បន្ននិងសុខភាពភ្នែករបស់អ្នកជំងឺ។ គ្រូពេទ្យភ្នែកពិភាក្សាអំពីចក្ខុក្រោយ LASIK ដែលរំពឹងទុក ក៏ដូចជាឧបសគ្គនានាដែលទាក់ទងនឹងប្រភេទនីតិវិធី LASIK ជាក់លាក់នីមួយៗ។ លើសពីនេះ គ្រូពេទ្យភ្នែកសួរអំពីរបៀបរស់នៅរបស់អ្នកជំងឺនិងផ្តល់ការណែនាំអំពីការថែទាំក្រោយការវះកាត់។ ការពិគ្រោះយោបល់ដ៏ទូលំទូលាយនេះធានាឱ្យអ្នកជំងឺទទួលបានការយល់ដឹងច្បាស់លាស់អំពីនីតិវិធី LASIK ដោយត្រួសត្រាយផ្លូវសម្រាប់លទ្ធផលដ៏ល្អប្រសើរ។   ដំណើរការពិនិត្យមុន LASIK ដ៏ទូលំទូលាយរបស់ Laser Vision ត្រូវបានរចនាឡើងដើម្បីធានាដល់អ្នកជំងឺរបស់យើងនូវសេវាកម្មប្រកបដោយវិជ្ជាជីវៈ គុណភាពខ្ពស់ ភាពងាយស្រួល និងលទ្ធផលនៃការព្យាបាលដ៏ល្អឥតខ្ចោះ។ ប្រសិនបើអ្នកមានចម្ងល់ឬត្រូវការព័ត៌មានបន្ថែម សូមកុំស្ទាក់ស្ទើរក្នុងការទាក់ទងមកយើងតាមរយៈ 02-511-2111 ឬ 02-939-6006។